کیا آپ ان سات سوالوں کے جواب جانتے ہیں؟

س نمبر ایک : جنت کہاں ہے؟ 

جواب: جنت ساتوں آسمانوں کے اوپر ساتوں آسمانوں سے جدا ہے کیونکہ ساتوں آسمان قیامت کے وقت فنا اور ختم ہونے والے ہیں جبکہ جنت کو فناء نہیں ہے وہ ہمیشہ رہے گی جنت کی چهت عرش رحمن ہے

س نمبر دو: جہنم کہاں ہے؟ 

جواب: جہنم ساتوں زمین کے نیچے ایسی جگہ ہے جس کا نام "سجین" ہے جہنم جنت کے بازو میں نہیں ہے جیسا کہ بعض لوگ سوچتے ہیں جس زمین پر ہم رہتے ہیں یہ پہلی زمین ہے اس کے علاوہ چھ زمینیں اور ہیں جو ہماری زمین کے نیچے ہماری زمین سے علحیدہ اور جدا ہیں

س نمبر تین: سدر ة المنتهی کیا ہے؟

جواب: سدرة عربی میں بیری اور بیری کے درخت کو کہتے ہیں المنتہی یعنی آخری حد یہ بیری کا درخت وہ آخری مقام ہے جو مخلوقات کی حد ہے اس سے آگے حضرت جبرئیل بهی نہیں جا پاتے ہیں سدرة المنتهی ایک عظیم الشان درخت ہے اس کی جڑیں چهٹے آسمان میں اور اونچائیاں ساتویں آسمان سے بھی بلند ہیں اس کے پتے ہاتهی کے کان جتنے اور پهل بڑے گهڑے جیسے ہیں اس پر سنہری تتلیاں منڈلاتی ہیں یہ درخت جنت سے باہر ہے رسول اللہ صلی اللہ علیہ و سلم نے حضرت جبریل علیہ السلام کو اسی درخت کے پاس ان کی اصل صورت میں دوسری مرتبہ دیکھا تها جبکہ آپ صلى الله عليه وسلم نے انہیں پہلی مرتبہ اپنی اصل صورت میں مکہ مکرمہ میں مقام اجیاد پر دیکها تها

س نمبر چار: حورعین کون ہیں؟ 

جواب: حور عین جنت میں مومنین کی بیویاں ہوں گی یہ نہ انسان ہیں نہ جن ہیں اور نہ ہی فرشتہ ہیں اللہ تعالیٰ نے انہیں مستقل پیدا کیا ہے یہ اتنی خوبصورت ہیں کہ اگر دنیا میں ان میں سے کسی ایک کی محض جھلک دکھائی دے جائے تو مشرق اور مغرب کے درمیان روشنی ہو جائے حور عربی زبان کا لفظ ہے اور حوراء کی جمع ہے اس کے معنی ایسی آنکھ جس کی پتلیاں نہایت سیاه ہوں اور اس کے اطراف نہایت سفید ہوں اور عین عربی میں عیناء کی جمع ہے اس کے معنی ہیں بڑی بڑی آنکھوں  والی

س نمبر پانچ: ولدان مخلدون کون ہیں؟

جواب: یہ اہل جنت کے خادم ہیں یہ بهی انسان یا جن یا فرشتے نہیں ہیں انہیں اللہ تعالیٰ نے اہل جنت کی خدمت کے لئے مستقل پیدا کیا ہے یہ ہمیشہ ایک ہی عمر کے یعنی بچے ہی رہیں گے اس لیے انہیں "الولدان المخلدون" کہا جاتا ہے سب سے کم درجہ کے جنتی کو دس ہزار ولدان مخلدون عطا ہوں گے

س نمبر چھ: اعراف کیا ہے؟ 

جواب: جنت کی چوڑی فصیل کو اعراف کہتے ہیں اس پر وہ لوگ ہوں گے جن کے نیک اعمال اور برائیاں دونوں برابر ہوں گی ایک لمبے عرصہ تک وہ اس پر رہیں گے اور اللہ سے امید رکهیں گے کہ اللہ تعالیٰ انہیں بھی جنت میں داخل کردے انہیں وہاں بهی کهانے پینے کے لیے دیا جائے گا پهر اللہ تعالیٰ انہیں اپنے فضل سے جنت میں داخل کردےگا

س نمبر سات: قیامت کے دن کی مقدار اور لمبائی کتنی ہے؟

جواب: پچاس ہزار سال كے برابر

جیسا کہ قرآن مجید میں ارشاد ہے: تعرج الملئكة و الروح اليه في يوم كان مقداره خمسين الف سنة

حضرت ابن عباس رضی اللہ عنہ سے روایت ہے کہ "قیامت کے پچاس موقف ہیں اور ہر موقف ایک ہزار سال کا ہوگا"

جب آیت "یوم تبدل الأرض غیر الأرض و السماوات" نازل ہوئی

تو حضرت عائشہ رضی اللہ عنہا نے نبی کریم صلی اللہ علیہ و سلم سے پوچھا کہ "یا رسول اللہ جب یہ زمین و آسمان بدل دئیے جائیں گے تب ہم کہاں ہوں گے"؟

آپ صلی اللہ علیہ و سلم نے فرمایا "تب ہم پل صراط پر ہوں گے پل صراط پر سے جب گزر ہوگا اس وقت صرف تین جگہیں ہوں گی

ایک: جہنم 

دو: جنت

تین: پل صراط

رسول اللہ صلی اللہ علیہ و سلم نے فرمایا: "سب سے پہلے میں اور میرے امتی پل صراط کو طے کریں گے."

پل صراط کی تفصیل

قیامت میں جب موجودہ آسمان اور زمین بدل دئیے جائیں گے

اور پل صراط پر سے گزرنا ہوگا

وہاں صرف دو مقامات ہوں گے

جنت اور جہنم

جنت تک پہنچنے کے لیے

لازما جہنم کے اوپر سے گزرنا ہوگا جہنم کے اوپر ایک پل نصب کیا جائے گا اسی کا نام" الصراط "ہے اس سے گزر کر جب اس کے پار پہنچیں گے وہاں جنت کا دروازہ ہوگا وہاں نبی کریم صلی اللہ علیہ و سلم موجود ہوں گے اور اہل جنت کا استقبال کریں گے یہ پل صراط درج ذیل صفات کا حامل ہوگا

ایک: بال سے زیادہ باریک ہوگا

دو: تلوار سے زیادہ تیز ہوگا

تین: سخت اندھیرے میں ہوگا اس کے نیچے گہرائیوں میں جہنم بهی نہایت تاریکی میں ہوگی سخت بپهری ہوئی اور غضبناک ہوگی

چار: گناہ گار کے گناہ اس پر سے گزرتے وقت مجسم اس کی پیٹھ پر ہوں گے اگر اس کے گناہ زیادہ ہوں گے تو اس کے بوجھ سے اس کی رفتار ہلکی ہوگی اللہ تعالیٰ ہمیں اس صورت سے اپنی پناہ میں رکھے اور جو شخص گناہوں سے ہلکا ہوگا تو اس کی رفتار پل صراط پر تیز ہوگی

پانچ: اس پل کے اوپر آنکڑے لگے ہوئے ہوں گے اور نیچے کانٹے لگے ہوں گے جو قدموں کو زخمی کرکے اسے متاثر کریں گے لوگ اپنی بد اعمالیوں کے لحاظ سے اس سے متاثر ہوں گے

چھ: جن لوگوں کی بے ایمانی اور بداعمالیوں کی وجہ سے ان کے پیر پهسل کر وہ جہنم کے گڑهے میں گر رہے ہوں گے ان کی بلند چیخ پکار سے پل صراط پر دہشت طاری ہوگی رسول اللہ صلی اللہ علیہ و سلم پل صراط کی دوسری جانب جنت کے دروازے پر کھڑے ہوں گے جب تم پل صراط پر پہلا قدم رکھ رہے ہونگے آپ صلی اللہ علیہ و سلم تمہارے لیے اللہ تعالیٰ سے دعا کرتے ہوئے کہیں گے" یا رب سلم، یا رب سلم" آپ بهی نبی صلی اللہ علیہ و سلم کے لیے درود پڑهئے اللهم صل وسلم على الحبيب محمد 

لوگ اپنی آنکھوں سے اپنے سامنے بہت سوں کو پل صراط سے گرتا ہوا دیکھیں گے اور بہت سوں کو دیکھیں گے کہ وہ اس سے نجات پا گئے ہیں بندہ اپنے والدین کو پل صراط پر دیکهے گا لیکن ان کی کوئی فکر نہیں کرے گا وہاں تو بس ایک ہی فکر ہوگی کہ کسی طرح خود پار ہو جائے روایت میں ہے کہ حضرت عائشہ رضی اللہ عنہا قیامت کو یاد کر کے رونے لگیں رسول اللہ صلی اللہ علیہ و سلم نے پوچھا عائشہ کیا بات ہے؟

حضرت عائشہ نے فرمایا مجهے قیامت یاد آگئی یارسول اللہ کیا ہم وہاں اپنے والدین کو یاد رکهیں گے؟ کیا وہاں ہم اپنے محبوب لوگوں کو یاد رکھیں گے؟

آپ صلى الله عليه وسلم نے فرمایا ہاں یاد رکھیں گے لیکن وہاں تین مقامات ایسے ہوں گے جہاں کوئی یاد نہیں رہے گا 

 جب کسی کے اعمال تولے جائیں گے

 جب نامہ اعمال دیئے جائیں گے (تین) جب پل صراط پر ہوں گے

دنیاوی فتنوں کے مقابلے میں حق پر جمے رہو دنیاوی فتنے تو سراب ہیں ان کے مقابلہ میں ہمیں مجاہدہ کرنا چاہیے اور ہر ایک کو دوسرے کی جنت حاصل کرنے پر مدد کرنا چاہئے جس کی وسعت آسمانوں اور زمین سے بهی بڑهی ہوئی ہے

اس پیغام کو آگے بڑهاتے ہوئے صدقہ جاریہ کی نیت کرنا نہ بهولیں یااللہ ہمیں ان خوش نصیبوں میں کر دیجئے جو پل صراط کو آسانی سے پار کر لیں گے اے پروردگار ہمارے لئے حسن خاتمہ کا فیصلہ فرمائیے آمین 

اس تفصیل کے بعد بھی کیا گمان ہے کہ وہاں کوئی رشتہ داریاں نبھائے گا جس کے لئے تم یہاں اپنے اعمال برباد کر رہے ہو؟ مخلوق کے بجائے خالق کی فکر کرو اپنے نفس کی فکر کرو کتنی عمر گزر چکی ہے اور کتنی باقی ہے کیا اب بهی لاپرواہی اور عیش کی گنجائش ہے؟

یااللہ اس تحریر کو میری جانب سے بهی اور جو بهی اس کو عام کرنے میں مدد کرے سب کے لئے اس کو صدقہ جاریہ بنا دیجئے آمین